ABŞ qüvvələrini Əfqanıstandan tamamilə çıxardıqdan sonra Taliban baş verənləri zəfər olaraq qiymətləndirib və ABŞ ilə yaxşı əlaqələr qurmaq istədiklərini söyləyib.
Editor.az xəbər verir ki, ABŞ -ın Əfqanıstandan çəkilməsindən sonra açıqlama verən Taliban sözçüsü Zabihullah Mücahid “Bu qələbə hər birimizindir” deyib.
Taliban sözçüsü ABŞ -la yaxşı diplomatik əlaqələr qurmaq istədiyini ifadə edib:
“ABŞ və dünya ilə yaxşı əlaqələr qurmaq istəyirik. Hamısı ilə yaxşı diplomatik əlaqələrə açığıq”.
Qeyd edək ki, Taliban rəsmiləri ABŞ -ın geri çəkilməsindən sonra Kabildə hava limanında simvolik bir yürüş keçirib.
//Gülnarə Abasova, Editor.az