Əfqanıstanda Taliban hakimiyyəti yerli televiziya kanallarına beynəlxalq tərəfdaşların televiziya proqramlarını yayımlamamağı əmr edib.

Editor.az xarici mətbuata istinadən xəbər verir ki, qərardan sonra Əfqanıstanda BBC-nin televiziya proqramlarına baxmaq mümkün olmayıb. Əfqanıstanda peyk yayımına çıxışı olan əhalinin 20 faizi yalnız “BBC Fars” telekanalının proqramlarına baxa biləcək. Talibanın qərarı radio yayımlarını və internet saytlarını əhatə etmir.

Amerikanın Səsi, Deutsche Welle və Çin Qlobal Televiziya Şəbəkəsi (CGTN) Əfqanıstanda artıq televiziya proqramları izlənilməyən digər beynəlxalq yayım təşkilatlarıdır.

//Gülnarə Abasova, Editor.az