Rusiya prezidenti Vladimir Putin çox güman ki, yeni səfərbərlik elan etməyə hazırlaşır.

Editor.az bildirir ki, bu barədə Amerikanın “The New York Times” qəzeti fevralın 20-də yazıb. Nəşr hesab edir ki, Putin Ukraynanı nəinki “nasizm”dən xilas etdiyini, həm də Rusiyanın NATO təhlükəsindən xilas etməyə çalışdığını nümayiş etdirəcək: “Keçən ilə əsaslanaraq, o, demək olar ki, öz müharibəsini “Rusiyanın tarixi torpaqlarının geri alınması üçün savaş” adlandıracaq.

ABŞ kəşfiyyat rəsmiləri deyirlər ki, bu məqsədlə daha çox rusun səfərbər edilə biləcəyinə dair işarələr görünür və artıq hazırlanmış 300.000-ə yüz minlərlə əsgər əlavə edilə bilər”, – məqalədə deyilir. Qeyd edək ki, fevralın 18-də Britaniya kəşfiyyatı müraciətin bir hissəsinin işğalçılara və onların ailələrinə ödənişlərə aid olacağı proqnozunu dərc edib və qeyd edib ki, Rusiya Federasiyasında yeni səfərbərlik ehtimalı fonunda bu problem getdikcə aktuallaşır.

  //Samir Qurbanov, Editor.az