Kiyevdə ABŞ istehsalı olan təxminən 50 ATACMS raketinin olduğu bildirilib.

Editor.az “The Times”ə istinadla xəbər verir ki, Kiyevdə Amerika istehsalı olan təxminən 50 uzaqmənzilli taktiki ATACMS raketləri var. “Pentaqon heç bir rəqəm açıqlamasa da, hazırda Kiyev hökumətinin cəmi 50-yə yaxın raketə sahib olduğu düşünülür”, – xəbərdə deyilir. Xəbərdə kifayət qədər sayda buraxılış qurğusuna baxmayaraq, məhdud təchizat səbəbindən bu raketlərin qıtlığı da vurğulanıb.

“New York Times” qəzeti adlarını açıqlamadığı yüksək rütbəli ABŞ rəsmilərinə istinadən yazıb ki, ABŞ prezidenti Co Bayden Ukraynanın Rusiya ərazisinə qarşı hücumlarda uzaqmənzilli taktiki raket sistemlərindən (ATACMS) istifadəsini təsdiqləyib. Ukrayna mətbuatı iddia edib ki, noyabrın 19-da Ukrayna Silahlı Qüvvələri Rusiya ərazisini beynəlxalq səviyyədə tanınmış sərhədləri daxilində ilk dəfə olaraq ATACMS ballistik raketləri ilə vurub. Lakin Ukrayna Baş Qərargahı bu məlumatı təsdiqləməyib.

//Gülnarə Abasova, Editor.az