İtaliyanın “Udineze” klubunun rəsmiləri “Fənərbaxça”nın oyunçusu Marsel Tisserandı transfer etmək üçün İstanbula gəlir. Editor.az “sporx” a istinadən xəbər verir ki, İngiltərənin “Arsenal” klubuna məxsus olan Pablo Marinin yenidən “Udineze”dən “Arsenala” qayıtması İtaliya təmsilçisinin Demokratik Konqodan olan futbolçuya ehtiyacını yaradıb. “Udineze” dayaq yarımmüdafiəçi transferi üçün 3 milyon avro ödəməyə hazırdır.

Qeyd edək ki, hal-hazırda “sarı-lacivəndlər”in heyətində cəmi dörd dayaq yarımmüdafiəçi var. Yaxşı təklif gələcəyi halda Kim və Szezlainin klubu tərk etməsi mümkündür. Ona görə də “Fənərbaxça” rəhbərliyi Tisserandı satmaq fikrində qərarsızdır.

//Nəzərbəy Hacıağayev, Editor.az