Sentyabrın 30-da  “Yeni Musavat”ın Reportyor Qrupu Tərtər rayonunun bir neçə kənd və qəsəbələrində, eləcə də, Tərtərin mərkəzində olub. Düşmən son 1 sutka ərzində Tərtər rayonu ərazisinə 500-ə yaxın top mərmisi atıb.

Nəticədə 5 dinc sakin yaralanıb, 1 nəfər isə aldığı qəlpə xəsarətlərindən ölüb.

“Yeni Müsavat”ın reportyor qrupu Tərtərin kənd və qəsəbələrində çəkiliş apararkən rayon icra hakimiyyətinin başçısı Müstəqim Məmmədovun yerlərdə əhali ilə görüşdüyünü, vurulmuş zərərlərlə bağlı araşdırma apardığına da şahidlik edib. Hərbi səhra geyimində olan icra başçısı düşmənin açdığı top atəşləri nəticəsində rayona dəyən zərərlərin hesablandığını və bununla bağlı ictimaiyyətə əlavə məlumat veriləcəyini bildirib.