Amerika Birləşmiş Ştatlarının prezidenti Donald Tramp Ukraynaya silah tədarükünü dayandırmaqla Avropa ölkələrini Ormuz boğazının blokdan çıxarılması səylərinə qoşulmağa məcbur etmək niyyətindədir.

Editor.az xəbər verir ki, bu barədə Financial Times mənbələrinə istinadla məlumat yayıb. Qəzet bildirir ki, dünya neft ixracının təxminən beşdə biri bu strateji əhəmiyyətli logistik marşrutdan keçir və fevralın sonunda ABŞ və İsrailin İrana hücumlarından sonra ölkə tərəfindən bloklanıb.

Ekspertlər vurğulayırlar ki, bu vəziyyət dünya enerji bazarlarında gərginliyi artırmaqla yanaşı, Ormuz boğazından asılı olan Avropa ölkələri üçün əlavə diplomatik problemlər yarada bilər.

//Samir Qurbanov, Editor.az