ABŞ-ın Rusiya Federasiyasındakı keçmiş səfiri Maykl Makfol bildirib ki, ABŞ administrasiyası Rusiyaya Ukraynada atəşkəs üçün bir sıra təkliflər edib.

Editor.az xəbər verir ki, söhbət işğal olunmuş ərazilərin saxlanılmasından və Ukraynanın NATO-ya üzv olmamasından gedir.

Bundan əlavə, keçmiş səfirin sözlərinə görə, daha iki təklif var. Bu, Amerika qoşunlarının Ukraynada olmaması, ABŞ qoşunlarının Avropadan, o cümlədən cəbhəyanı dövlətlərdən çıxarılması və sanksiyaların yumşaldılmasıdır.

“Trampın komandasının Putinə aşağıdakıları təklif etdiyi bildirilir:

Ukrayna ərazisi;

Ukraynanın NATO-ya üzv olmaqdan imtinası;

Amerika hərbçilərinin Ukraynada olmasına qadağa;
Amerika əsgərlərinin Avropadan, o cümlədən cəbhəyanı dövlətlərdən çıxarılması;

Sanksiyaların yüngülləşdirilməsi.

“Bunların əvəzində Putin heç nə təklif etməyib”, – diplomat yazıb.

//Samir Qurbanov, Editor.az