Rusiya ilə ABŞ arasında Ukrayna ilə bağlı danışıqların predmeti antiRusiya sanksiyalarının götürülməsi ola bilər. Yeni seçilmiş prezident Donald Tramp bu məsələdən mübahisənin həllində sövdələşmə vasitəsi kimi istifadə edəcək.

Editor.az xəbər verir ki, bunu RİA Novosti ilə söhbətində türkiyəli analitik Serhat Lətifoğlu deyib. “Əlbəttə, sanksiyaların ləğvi danışıqların hansısa mərhələsində məqama çevriləcək”, – o deyib. Lətifoğlunun sözlərinə görə, müvafiq addım dərhal atılmaya bilər, çünki Trampın Ukraynada atəşkəsə ehtiyacı var. Ekspert hesab edir ki, gələcək Amerika prezidenti Rusiyaya qarşı sanksiyaların ləğvi məsələsindən kozır kimi istifadə edəcək.

Bundan əvvəl Trampın keçid qrupunun kommunikasiyalar üzrə direktoru Stiven Çunq demişdi ki, yalnız ABŞ prezident seçkilərində qalib gələn Tramp Rusiya və Ukraynanı danışıqlar masasına gətirə bilər.

Eyni zamanda, Trampın müttəfiqi jurnalistlərin indiki prezident Co Baydenin Amerikanın Kiyevə raket zərbələri endirməsinə icazə verməsi barədə seçilmiş prezident və gələcək milli təhlükəsizlik müşavirlərinin əvvəlcədən məlumatlandırılıb-bilmədikləri ilə bağlı suallarına cavab verməyib. Noyabrın 18-də bildirilib ki, Vaşinqton bir neçə aydır ki, Kiyevə Rusiya ərazisinə dərin zərbələr endirmək üçün uzaqmənzilli ATACMS raketlərindən istifadə etmək icazəsi vermək imkanını nəzərdən keçirir.

//Gülnarə Abasova, Editor.az