Türkiyə Böyük Millət Məclisinin 28-ci çağırış Baş Assambleyasının ilk iclasının keçiriləcəyi gözlənilir.

Editor.az “Anadolu” xəbər agentliyinə istinadən xəbər verir ki, iclasa Milliyyətçi Hərəkat Partiyasının lideri Dövlət Baxçalının sədrlik edəcəyi gözlənilir. O, Türkiyə Böyük Millət Məclisinin (TBMM) sədr əvəzi vəzifəsinə əsas namizəddir. Xatırladaq ki, mayın 14-də keçirilmiş parlament seçkilərinin ilkin nəticələrə görə, Türkiyə parlamentində 479 kişi və 121 qadın deputat mandatı alıb.

Hakim Ədalət və İnkişaf Partiyası parlamentdə 30, Milliyyətçi Hərəkat Partiyası 4, İYİ Partiyası 6, Sol Yaşıllar Partiyası 30, Türkiyə Fəhlə Partiyası 1 qadınla təmsil olunacaq. 28-ci çağırış parlamentin tərkibinə müxtəlif ixtisaslardan olan deputatlar: həkimlər, sosioloqlar, idmançılar, pilotlar, müəllimlər, fermerlər, iş adamları, jurnalistlər və bir çox başqa peşələrin nümayəndələri daxil olsalar da, hüquqşünaslar və mühəndislər liderlik edirlər.

  //Samir Qurbanov,Editor.az