Türkiyə səfirliyi Müstəqilliyin Bərpası Günü münasibətilə Azərbaycanı təbrik edib.

Bu barədə səfirlik “Twitter”də paylaşım edib.

“Müstəqilliyin Bərpası Günü münasibətilə bütün azərbaycanlı bacı-qardaşlarımızı ürəkdən təbrik edir, müstəqilliyin əbədi olmasını diləyir, bu yolda canlarını fəda edən bütün şəhidləri ehtiramla yad edirik. Yaşasın müstəqil Azərbaycan!”, – paylaşımda deyilir.

Bundan başqa, Türkiyə Milli Müdafiə Nazirliyi də Azərbaycanı təbrik edib.

Təbrikə deyilir: “Özümüz bir… Sözümüz bir… Gücümüz bir… Qardaş Azərbaycanı təbrik edir və nəcib Azərbaycan xalqını ürəkdən salamlayırıq. “Bir millət, iki dövlət” anlayışı ilə kədərdə də, sevincdə də Azərbaycanın yanında olmağa davam edəcəyik”.