Türkiyə prezidentinin köməkçisi: “Hərbçilərimiz ən qısa zamanda Azərbaycandakı vəzifələrini icra edəcəklər”backend

Türkiyə prezidentinin köməkçisi: “Hərbçilərimiz ən qısa zamanda Azərbaycandakı vəzifələrini icra edəcəklər”

  • whatsapp
  • messenger
  • telegram
  • vkontakte
  • odnoklassniki

Türkiyə hərbçiləri ən qısa zamanda Azərbaycandakı vəzifələrini icra edəcəklər.

“Son48saat”ın məlumatına görə, bu barədə Türkiyənin vitse-prezidenti Fuat Oktay Türkiyə Böyük Millət Məclisində çıxışı zamanı bildirib.

O, Türkiyənin Şərqi Aralıq Dənizi, Kipr və Liviya kimi regional məsələlərdə güclü mövqe sərgilədiyini, həmçinin Qarabağ məsələsində də Azərbaycana qeyd-şərtsiz dəstək verməkdə davam etdiyini bildirib.

“Qarabağdan işğalçı Ermənistanın qovulması Türkiyə-Azərbaycan dostluğunu meydanda bir daha bütün dünyaya nümayiş etdirdi. Bəzi ölkələr 30 ildir Ermənistanın Qarabağdakı zülmünə kor və kar qalmağı seçərkən biz səsiz qalmadığımız kimi, Ermənistanın mülki vətəndaşları, şəhərləri bombalamasına da laqeyd qalmadıq, bütün imkanlarımızla qardaş Azərbaycanın yanında olduq. Qəhrəman hərbçilərimiz ən qısa müddətdə, azərbaycanlı qardaşlarımızın hüquq və mənafelərini qorumaq üçün Azərbaycanda vəzifələrini icra edəcəklər”, – deyə F.Oktay vurğulayıb.

F.Oktay bu müddətdə Türkiyənin 83 milyon tək ürək olaraq Azərbaycanın zəfər çalması üçün əlindən gələn dəstəyi verdiyini, bundan sonra da qardaşları ilə bir və barəbər şəkildə ədalət mübarizəsinə davam edəcəyini vurğulayıb.

Loading...