Türkiyə İstanbul danışıqlar prosesini canlandırmaq üçün Rusiya və Ukrayna ilə əlaqələrini davam etdirir. “TRT Haber” xəbər verir ki, Prezident Rəcəb Tayyib Ərdoğan bunu Fransa Prezidenti Emmanuel Makronla telefon danışığında bildirib: ” Türkiyə Ukrayna ilə Rusiya arasında müharibəyə son qoymaq və ədalətli və davamlı sülh yaratmaq üçün hər cür səy göstərir”.

Fransalı həmkarı ilə söhbətində Ərdoğan Türkiyənin Ukraynada sülhə nail olmaq üçün mümkün olan hər şeyi etməyə hazır olduğunu vurğulayıb. O, həmçinin qlobal sülhü təhdid edə biləcək addımlardan çəkinməyin vacibliyini qeyd edib. Tərəflər Türkiyə ilə Fransa arasında ikitərəfli münasibətləri, eləcə də regional və qlobal məsələləri müzakirə ediblər.

Birbaşa danışıqların bərpasından sonra Rusiya və Ukrayna İstanbulda üç görüş keçiriblər. Nümayəndə heyətləri sonuncu dəfə 23 iyulda görüşüblər. Hərbi əsir mübadiləsi ilə bağlı razılaşmalar əldə edilib.

//Samir Qurbanov, Editor.az