Türkiyənin xarici işlər naziri Hakan Fidan açıq şəkildə bəyan edib ki, Rusiya hava hücumundan müdafiə sistemini qorumaq onun ölkəsinin F-35 döyüş təyyarələrini almaqdan daha vacibdir.

Editor.az bu barədə “Bloomberg” ə istinadla xəbər verir.

ABŞ Dövlət Departamenti bir həftə əvvəl Viktoriya Nulandın səfəri zamanı Ankaranın “F-35” qırıcıları alması ilə bağlı danışıqların yenidən başlayacağını öyrənmişdi. Amma eyni zamanda Vaşinqton təkid edir ki, bunun üçün Türkiyə ilk növbədə ABŞ-ın fikrincə, Amerika təyyarələri üçün təhlükə yaradan Rusiyanın S-400 raketlərindən imtina etməlidir. Türkiyə İsveçin Şimali Atlantika Alyansına qoşulma ərizəsini təsdiqlədikdən sonra ABŞ bir daha F-16 döyüş təyyarəsini satmağa hazır olduğunu açıqlayıb.

Eyni zamanda, Ankara Rusiyanın S-400-dən imtina etməyi planlaşdırmır. Hakan Fidan daha əvvəl bildirmişdi ki, ABŞ Rusiyadan S-400 hava hücumundan müdafiə sistemi almasını bəhanə edərək Türkiyəni F-35 döyüş proqramından kənarlaşdırıb.

//Gülnarə Abasova, Editor.az