Türkiyədə Adıyaman şəhərində daha bir nəfər dağıntılar altından sağ çıxarılıb.
Bu barədə Türkiyə Milli Müdafiə Nazirliyinin “Twitter” hesabında paylaşım edilib.
“Bu gün səhər saatlarında 3-cü Ordu Komandanlığımızın Mühəndis taborunun üzvləri Adıyamanda Soner Tuğtekin adlı vətəndaşımızı sağ-salamat xilas ediblər”, – deyə paylaşımda qeyd edilib.
Xatırladaq ki, xilasedicilər bu gün səhər dağılmış binanın qalıqları altından yeniyetmə qızı da aşkar edərək həyatını xilas ediblər.