Türkiyə hava limanında uşaq dünyaya gətirən Moskva vilayətinin sakini və anası həbs edilib.

Editor.az bildirir ki, bu barədə “Baza” Telegram kanalı xəbər yayıb. Hadisə bir neçə gün əvvəl baş verib. Antalya hava limanında təmizlik işçiləri əlillərin tualetində yeni doğulmuş körpə tapıb və dərhal polis və təcili yardım çağırıblar.

Məlum olub ki, körpə tərk edildikdən 12 dəqiqə sonra tapılıb. CCTV kameraları yeni doğulmuş uşağın anası olduğu iddia edilən şəxsin tualetdən çıxaraq Moskvaya uçmağa çalışdığını göstərib. Məlum olub ki, 18 yaşlı qız anası ilə birlikdə Türkiyəyə tətilə gəlib və evə qayıtmağı planlaşdırıb.

Bildirilir ki, ananın qızının köklüyü səbəbindən onun hamiləliyi barədə heç nə bilməyib. Ananın özü də hamiləlikdən xəbərinin olmadığını bildirir. Baş verənlərdən xəbər tutan qızın atası şoka düşüb.

Hazırda uşağın heç bir təhlükəsi yoxdur; o, xəstəxanadadır. Anasına qarşı isə cinayət işi açılıb.

//Samir Qurbanov, Editor.az