Türkiyənin bütün hava limanlarında təhlükə səviyyəsi artırılıb. Yerli mətbuat xəbər verir ki, Ankarada dünən baş verən terror aktından sonra təhlükəsizlik tədbirləri gücləndirilib.

“Terror qruplarının hava limanlarında terror aktları törətmək planlarına görə təhlükə səviyyəsi narıncıya yüksəlib”.

Editor.az xəbər verir ki, bu barədə “Hürriyyət” nəşri yazıb. Bundan sonra təhlükəsizlik işçiləri sərnişinlərin sənədlərini və nəqliyyat vasitələrini isə hərtərəfli yoxlayır. İstanbul “Sabiha Gökçen” Hava Limanı sərnişinlərə təhlükəsizlik yoxlamaları zamanı vaxt itirməmək üçün hava limanına əvvəlcədən gəlməyi tövsiyə edir.

Xatırladaq ki, dünən Türkiyənin paytaxtında TUSAŞ aerokosmik şirkətinin obyekti yaxınlığında partlayış olub. Hadisə nəticəsində bir neçə nəfər yaralanıb və ölüb. Hadisə rəsmi olaraq terror aktı elan edilib. Axşam saatlarında Daxili İşlər Nazirliyi Türkiyədə fəaliyyəti qadağan edilmiş Kürdüstan Fəhlə Partiyası terror təşkilatının hücuma görə məsuliyyət daşıdığı versiyaya sahib olub.

//Samir Qurbanov, Editor.az