İsraildə üç yaşlı uşağın gəzinti zamanı tapdığı daşın 3800 illik skarab amuleti olduğu ortaya çıxıb.

Bu barədə “İndependent” xəbər verir. Arxeoloqların araşdırmadan sonra İsrailin Tel-Azeka bölgəsində 3 yaşlı qızın götürdüyü “daş”ın əslində Tunc dövrünə aid skarab amuleti olduğunu təsdiqlədiyi bildirilir. Tapıntının yaşı 3800 ildən çoxdur.

Məlumata görə, qız çınqıllı yolda gedərkən daşı tapıb. “Ətrafındakı 7 min daşdan birini götürüb. Sonra qumu silkələyib və görüb ki, orada nəsə var”, – körpənin böyük bacısı deyib. Uşaqlar daşları valideynlərinə göstəriblər, onlar da tapıntı barədə İsrail Qədim Əşyalar İdarəsinə məlumat veriblər.
Alimlər daşın Orta Tunc dövrünə aid Kənan skarabı olduğunu müəyyən ediblər. Kənanlılar Misirlə sıx əlaqələri olan qədim xalq olub. Tədqiqatçıların fikrincə, Orta Tunc dövründə Kənanlılar peyin böcəyinə bənzəyən skarablardan suiti və amulet kimi istifadə edirdilər.

//Samir Qurbanov, Editor.az