Moskvada Rusiyaya məxsus çoxfunksiyalı “Ka-32” helikopteri yanıb.

Editor.az bildirir ki, bu barədə aprelin 26-da Ukrayna Müdafiə Nazirliyinin Baş Kəşfiyyat İdarəsi Telegram-da yanğının videosunu dərc edərək məlumat yayıb. Baş Kəşfiyyat İdarəsi əlavə edib ki, aprelin 26-na keçən gecə Rusiya Müdafiə Nazirliyinin Moskva şəhərindəki “Ostafyevo” aerodromunda çoxfunksiyalı “Ka-32” helikopterini məhv edib: “Aerodrom Rusiya Müdafiə Nazirliyinə məxsusdur və “Qazprom” ASC-nin strukturuna daxil olan “Qazpromavia” şirkəti ilə birgə idarə olunur”, – deyə məlumatda bildirilir.

Ukrayna hərbi kəşfiyyatı məhv edilən təyyarə parçasının təcavüzkar dövlət tərəfindən Moskva aviasiya mərkəzinin maraqları, xüsusən də Rusiya işğalçı ordusunun əməliyyatlarına dəstək məqsədilə istifadə edildiyini vurğulayıb. Baş Kəşfiyyat İdarəsi helikopterin yandırıldığını bildirərək, aerodromdakı insidentə görə məsuliyyəti üzərinə götürməyib.

Bununla belə, kəşfiyyat xidmətlərindəki NV mənbələri “Ka-32”nin məhv edilməsinin Ukrayna hərbi kəşfiyyatının əməliyyatı olduğunu göstərir. Nəşrin həmsöhbəti əlavə edib ki, vertolyot işğalçı ordunun maddi-texniki təminatı və təxliyə əməliyyatları üçün istifadə edilib.

//Samir Qurbanov, Editor.az