İyulun 31-də Donetskdə, cəbhə xəttindən təxminən 16 kilometr aralıda Ukrayna müdafiə qüvvələri ilk dəfə pilotsuz uçan aparatdan istifadə edərək havada Rusiyanın Mi-8 helikopterini vurub.

Editor.az bildirir ki bu barədə “Forbes” yazıb. Nəşr qeyd edir ki, bundan əvvəl 10 aylıq uğursuz cəhdlər olub – hələ ötən ilin sentyabrında Ukrayna PUA operatorları ilk dəfə pilotsuz təyyarələrlə uçuş zamanı Rusiya helikopterlərinə hücum etməyə cəhd ediblər.

Təhlükə o qədər ciddiləşib ki, Rusiya Hərbi Hava Qüvvələri digər helikopterləri müşayiət etmək üçün bəzi vertolyotlar yerləşdirməyə başlayıb. “Forbes”in vurğuladığı kimi, nəqliyyat və tibbi evakuasiya missiyalarını yerinə yetirən vurulan helikopterin çəkisi 12 ton və göyərtəsində üç ekipaj üzvü olub. Nəşr əlavə edib ki, belə bir helikopter 240 km/saatdan çox sürətlə uça bilər – pilotsuz təyyarənin operatorun böyük bacarığı və şansı olmadan təmiz atəş açması üçün çox sürətli və eyni zamanda yüksəkdir.

“Forbes” yazır ki, Ukraynanın cəbhə xəttində gündəlik istifadə etdiyi FPV pilotsuz təyyarələrinin sayını nəzərə alsaq, Rusiya helikopterləri üçün təhlükə arta bilər.

//Samir Qurbanov, Editor.az