“Ukrayna bundan sonrakı 10 ildə Rusiyaya qarşı partizan müharibəsini davam etdirəcək. Onlar Moskvanı, hətta Ural dağlarını da vurub keçəcəklər. Çünki Ural dağlarından şərqdə yaşayan ukraynalıların sayı 15 milyon nəfərdir”.

Editor.az xəbər verir ki, bu sözləri TV “Müsavat”-a açıqlamasında politoloq Qabil Hüseynli bildirib. Politoloq ABŞ-ın və digər qərb ölkələrinin Ukraynaya olan silah-sursat dəstəyinin gecikməsinin ukraynalılar üçün Rusiyaya qarşı alternativ partizan müharibəsinə gətirib çıxardığını qeyd edib:

“Hazırda ukraynalı partizanlar müharibəni Rusiya ərazisinə daşımağı bacarıb. Artıq bir çox Rusiya şəhərində bu hiss olunur”.