ABŞ prezidentinin Ukrayna üzrə xüsusi nümayəndəsi Keyt Kelloqun sözlərinə görə, NATO şərqə doğru genişlənməsini dayandıra bilər. Bununla belə, son qərarı ABŞ prezidenti Donald Tramp verir, – Kelloq əlavə edib.

“Onlar üçün (Rusiya hakimiyyəti) bu, təhlükəsizlik məsələsidir”, – xüsusi nümayəndə “ABC News”da bildirib. Xüsusi nümayəndə Rusiyanın NATO-nun genişlənməsi ilə bağlı narahatlığını ədalətli qorxu adlandırıb. Eyni zamanda, Ukraynanın alyansa qoşulması məsələsi də müzakirə olunmur. ABŞ-ın mövqeyini NATO üzvü olan ən azı dörd digər ölkə bölüşür. Lakin Kelloq hansıların olduğunu dəqiqləşdirməyib. Halbuki, Alyansın bütün 32 üzvü Kiyevin birləşmək qərarını dəstəkləməlidir, – xüsusi elçi vurğulayıb.

Xatırladaq ki, mayın 29-da Rusiyanın xarici işlər naziri Sergey Lavrov bildirib ki, NATO ölkələri Rusiya sərhədləri yaxınlığında quruda və dənizdə təxribat xarakterli hərbi təlimləri artırmaqda davam edir. Rusiya prezidenti Vladimir Putin Kiyevin NATO-ya üzv olmaqdan imtinasını Ukraynada sülh yolu ilə nizamlanmanın şərtlərindən biri adlandırıb.

//Samir Qurbanov, Editor.az