Ukraynanın Supernova+ monitorinq kanalının məlumatına görə, 12 yanvar gecəsi Rusiyanın Rostov vilayətində Novoçerkassk Dövlət Rayon Elektrik Stansiyasına (SDPP) hücum edilib.

Stansiyada böyük yanğın baş verib”, – kanal bildirib.
Qeyd edək ki, SDPP, Rusiyanın cənubundakı ən güclülərdən, Rostov vilayətində yerləşən ən böyük bir istilik elektrik stansiyasıdır. Onun quraşdırılmış elektrik gücü təxminən 2,2 GVt-dır. Stansiya kömürdən əsas yanacaq, təbii qazdan isə ehtiyat/əlavə yanacaq kimi istifadə edən bir neçə enerji blokundan ibarətdir.

Monitorinq kanalı həmçinin Rusiyanın Krasnodar diyarındakı Primorsko-Akhtarsk aerodromunda partlayışların baş verdiyini bildirir. 4-cü Qvardiya Hərbi Hava Qüvvələri və Hava Hücumundan Müdafiə Ordusunun 1-ci Qarışıq Qvardiya Aviasiya Diviziyasının bir hissəsi olan 960-cı Qvardiya Hücum Aviasiya Alayının (75387 saylı hərbi hissə) orada yerləşdiyi bildirilir. Rostov vilayətinin qubernatoru Yuri Slyusar Telegram-da yazıb ki, 11 yanvar axşamından bəri Kamenski, Aksayski, Belokalitvinski, Kaşarski və Millerovski rayonlarında PUA-lar tutulub məhv edilib.

O, əlavə edib ki, mülki şəxslər arasında itki olmayıb.

//Samir Qurbanov, Editor.az