Rusiyanın gecə saatlarında Ukraynanın Odessa vilayətindəki İzmail limanını vurduğu açıqlanıb.

Editor.az xarici mediaya istinadən bildirir ki, Ukrayna Hərbi Hava Qüvvələri Komandanlığından verilən açıqlamaya görə, Rusiya gecə saatlarında “Şahed” tipli PUA-larla Ukrayna ərazisinə hücum edib.

Açıqlamada Rusiya ordusunun cənub-şərq istiqamətindən 38 PUA-nı havaya qaldırdığı qeyd edilib”. Odessa Vilayəti Hərbi Administrasiyasının rəhbəri Oleq Kiper də sosial media hesabındakı paylaşımında da Rusiyanın gecə saatlarında PUA-larla Odessaya hücum etdiyini bildirib.

//Safura Bənnayeva, Editor.az