Ukraynanın məşhur MMA döyüşçüsü Yeqor Birkun Mariupol şəhərinin müdafiəsi zamanı öldürülüb.

“Report”un məlumatına görə, bu barədə Ukrayna Qarışıq Döyüş Sənəti Federasiyasının rəsmi feysbuk səhifəsində bildirilir.

Birkun martın 23-də “Azov” alayının tərkibində döyüş tapşırığını yerinə yetirdiyi vaxt həlak olub. Həmin gün o, Ukrayna millisinin heyətində dünya çempionatında çıxış etməli idi. Lakin Rusiyanın hərbi müdaxiləsi ilə əlaqədar idmançının planlarında dəyişiklik baş verib.