Ukrayna prezidenti Volodimir Zelenski səfərbərliyin sərtləşdirilməsi haqqında qanun imzalayıb. Ali Radanın saytındakı sənəd kartoçkasında deyilir ki, sənəd Ukrayna prezidentinin imzası ilə geri qaytarılıb və mayın 16-dan qüvvəyə minəcək.

Aprelin 14-də Ali Radanın sədr müavini Aleksandr Kornienko bildirib ki, Volodimir Zelenski iki həftə ərzində səfərbərlik haqqında yeni qanun imzalayacaq. Bu müddət ərzində prezident aparatı sənədin Ukrayna Konstitusiyasına uyğunluğunu yoxlamalı olub.

Bu gün, aprelin 16-da “Xalqın qulluqçusu” partiyasından olan deputat İqor Kopıtin bildirib ki, qanun layihəsinin Konstitusiyaya uyğunluğunu təsdiq edən prosedurlar keçib. Ali Rada qanunu aprelin 11-də təsdiqləyib.

Qanunda vətəndaşlar haqqında məlumatların hərbi komissarlıqlara, o cümlədən xaricdə yaşayanlara icbari təqdim edilməsi, hərbi bileti olmadığına görə hərbi xidmətə cəlb olunan şəxsi həbs etmək hüququ təqdim edilir. Ukrayna vətəndaşları artıq verilmiş çağırış vərəqəsinə uyğun olaraq hərbi komissarlığa gəlmədiklərinə görə cinayət məsuliyyəti daşıyırlar.

//Samir Qurbanov, Editor.az