Polşa silahlı qüvvələrinin operativ komandanlığı Ukraynanın qərbində Rusiya aviasiyasının işi ilə əlaqədar təyyarələrini göyə qaldırıldığını bildirib.

Komandanlığın X sosial şəbəkəsindəki mesajında dünənki gecə “çox gərgin” olaraq xarakterizə edilib.

Sentyabrın 4-nə keçən gecə Ukrayna mətbuatı Kiyev, Sumı, Lvov və Krivoy Roqda partlayışlar və hava hücumundan müdafiə əməliyyatları barədə məlumat yayıb. Əksər bölgələrində hava hücumu xəbərdarlığı elan edilib. Polşa sonuncu dəfə sentyabrın 2-də qırıcı təyyarələri hərəkətə gətirib. Bənzər bir səbəbdən Polşa komandanlığı 26 və 27 avqustda da eyni cür hərəkət etməyə məcbur olub.

//Samir Qurbanov, Editor.az