Kiyev Şəhər Şurasının “Avropa Həmrəyliyi” partiyasından olan deputatı Sergey İlnitski (Sokol) cəbhədə həlak olub.

Editor.az bildirir ki, bu barədə Ukraynanın 5-ci prezidenti və hazırkı deputat, “Avropa Həmrəyliyi” partiyasının rəhbəri Petro Poroşenko Facebook-da yazıb.

“Hamımız üçün böyük itki. Bir dost, Aİ-dən Kiyev Şəhər Şurasının deputatı Sergey İlnitski həlak olub. O, 2014-cü ildən bizim Ukrayna Donbasımız üçün döyüşür.

Orada – Donbassda, Kurdyumovka yaxınlığında həlak olub”. Poroşenkonun sözlərinə görə, İlnitski ilə vida mərasimi Kiyevdə baş tutacaq.

//Samir Qurbanov, Editor.az