Almaniyada 27 yaşlı ukraynalı qadın vəhşicəsinə qətlə yetirilib, onun anası və kiçik qızı hələ də tapılmayıb.

Mannheim Polis Qərargahının və “Bild”in məlumatına görə, Hokkenhaym şəhəri yaxınlığındakı Reyn çayının bəndində Ukraynadan olan gənc qaçqının cəsədi tapılıb.

Qətlə yetirilən qadının anası və onun cəmi beş həftəlik yeni doğulmuş qızı itkin düşüb. İndi polis öldürülən qadının anası, 51 yaşlı Marina Stetsenkonu axtarır. O, şərti olaraq qızının qətlinin şahidi sayılır. İstintaqın son versiyasına görə, ukraynalı qadın zorakılıqla ölüb.

O, əvvəllər itkin düşmüş hesab olunurdu. Cinayətin dəqiq şəraitinin müəyyən edilməsi üçün xüsusi komissiya tərəfindən araşdırma aparılır.

//Samir Qurbanov, Editor.az