Ukraynalılara təxribat xarakterli mitinqlərə hazırlıq barədə xəbərdarlıq edilib. Belə mitinqlər Ukraynanın bir çox şəhərlərində keçirilə bilər.

Editor.az bildirir ki, bu barədə oktyabrın 24-də Müdafiə Nazirliyinin Baş Kəşfiyyat İdarəsi Telegram-da məlumat yayıb. Kəşfiyyatın qeyd etdiyi kimi, Telegram-da anonim hesablar və messencerlər pul müqabilində “mitinqlərə” çıxmaq istəyən insanları axtarır.

Xəbərdə deyilir ki, bu cür hərəkətlər Ukraynanın hərbi-siyasi rəhbərliyini, xüsusən də xüsusi xidmət orqanlarını nüfuzdan salmaq məqsədi daşıyır. Hərbi kəşfiyyatın məlumatına görə, təbliğatçılar Ukrayna daxilində sosial qütbləşmə və gərginlik “fonu” yaratmaq istəyirlər. Baş Kəşfiyyat İdarəsinin məlumatına görə, belə tədbirlər Kiyev, Odessa, Dnepr və digər regional mərkəzlərdə hazırlanır.

Hərbi kəşfiyyat ukraynalıları milli təhlükəsizliyə zərər verəcək hadisələrdə iştirak etməkdən çəkinməyə çağırıb, – hesabatda deyilir.

//Samir Qurbanov, Editor.az