Uğurlu hərbi əməliyyatlar nümayiş etdirdi ki, Rusiya ilə Ukrayna arasında güc balansı kəskin şəkildə dəyişib və ikincinin artıq “taxıl müqaviləsi”nə ehtiyacı yoxdur.

Editor.az xəbər verir ki, bu sözləri türkiyəli geopolitik analitik Yörük İşık “TVP World”də deyib. Onun sözlərinə görə, “taxıl müqaviləsi” faktının özü Rusiyanın Ukrayna limanlarını bağlaması faktını təsdiq və etiraf edir.

Lakin Ukraynaya silahların uğurla təhvil verilməsi və onların məhrətlə istifadəsi vəziyyəti dəyişib: heç bir razılaşma olmadan 4 gəmi artıq Ukrayna limanlarını tərk edib və ruslarla heç bir razılaşma olmadan Bosfor boğazına uğurla çatıb.

“Balans tamamilə dəyişib. Ukrayna dəniz tarixini yenidən yazır. Ukrayna limanları açıla bilər və Ukrayna dünya ilə ticarətə başlayacaq”, – İşık deyib.

Ekspert onu da vurğulayıb ki, rusların hücumuna məruz qalan yeganə gəmi Palau bayrağı olan gəmi olub, burada heç bir diplomatik təsir və ya təmsilçilik yoxdur.

Üstəlik, Ukrayna limanlarını tərk edən dörd gəminin hamısı beynəlxalq banklara və böyük ölkələrə aiddir, ona görə də Rusiya heç vaxt onlara hücum etməyə cəsarət etməyəcək. Belə ki, hazırkı vəziyyətdə Ukrayna Ukrayna limanlarına daxil olmaq üçün böyük şirkətlərin gəmilərini seçməlidir və bu, pulsuz yüklərin geri qayıtmasına imkan verəcək.

Yada salaq ki, Türkiyə prezidenti Ərdoğan G20-ni Rusiya ilə” taxıl sazişi”ndə güzəştə getməyə çağırıb və dünya liderlərindən Rusiyanın ərzaq və gübrə ixracının Londonun Lloyd’s Bank tərəfindən sığortalanmasını asanlaşdırmağa və beynəlxalq ödənişlər üçün Moskvanı yenidən SWIFT sisteminə qoşmağa çağırıb.

Buna cavab olaraq Ukrayna Prezidenti Aparatının rəhbəri Andrey Ermak Rusiya Federasiyasına qarşı sanksiyaları ləğv etməməyə çağırıb. “Kompromiss deyil, güc işləyir”, – Ermak deyib.

//Samir Qurbanov, Editor.az