ABŞ prezidenti Donald Tramp bildirib ki, Ukraynaya ayrılan bütün Amerika pullarının taleyinin nə olduğunu öyrənmək vaxtıdır.

Onun hesablamalarına görə, Ukraynaya 300 milyard dollardan çox vəsait ayrılıb, lakin onun dəqiq necə xərcləndiyi məlum deyil.

Tramp deyib ki, Ukrayna prezidenti Vladimir Zelenski “pulların yarısının harada olduğunu və ya buna bənzər bir şey olduğunu bilmir. Mən Ukraynaya göndərdiyimiz bütün pulların harada olduğunu öyrənmək istərdim” – Tramp deyib. Xərcləri azaltmaq vəzifəsi daşıyan ABŞ Hökumətinin Effektivliyi İdarəsinin rəhbəri İlon Mask bir neçə saat əvvəl ABŞ-ın Ukraynaya göndərdiyi vəsaitləri yoxlamağa razılaşıb.
Qeyd edək ki, fevralın əvvəlində Ukrayna prezidenti Vladimir Zelenski ABŞ-ın ayırdığı 200 milyard dollarlıq hərbi yardımın hara getdiyini bilmədiyini deyib. Onun məlumatına görə, Ukrayna ABŞ-dan cəmi 76 milyard dollardan bir qədər çox pul alıb.

//Samir Qurbanov, Editor.az