Ukraynaya gedən Varşava-Lyublin dəmir yolu xətti 24 saat ərzində ikinci dəfə zədələnib.

Editor.az xəbər verir ki, RMF24 xəbər verir ki, Pulavı şəhəri yaxınlığında hava təmas xətti sıradan çıxıb.

Nəşrin məlumatına görə, elektrik xəttinə zəncir atılıb və qısaqapanma baş verib. Zədələnmiş hava təmas xətti 475 sərnişin daşıyan qatarın üzərinə düşüb. Maşinist təcili olaraq qatarı saxlayıb. Relsdə hərəkət hazırda məhdudlaşdırılıb: “Heç kim xəsarət almayıb. İlkin məlumatlara görə, vaqonlardan birində şüşələr sınıb”, – deyə Lyublin polisi bildirib. Hava təmas xətti təmir olunur və hüquq-mühafizə orqanlarının əməkdaşları hadisə yerində işləyir.

16 noyabrda Mazoviya voyevodalığında, Qarvolin və Şiçin yaxınlığında, qatar maşinisti relslərdə zədələnmə hiss edib. Polşanın Baş naziri Donald Tusk hadisəni “təxribat aktı” adlandırıb. O, partlayıcı qurğunun relslərdə partladığını bildirib. Polşa Daxili İşlər Nazirliyi Rusiyanı hadisədə iştirakda ittiham etməyin vaxtından əvvəl olduğunu bildirib. Nazir müavini Maçey Duşçik bildirib ki, “Rusiya o qədər güclü deyil ki, hər belə vəziyyət onun tərəfindən təhrik olunsun”.

//Samir Qurbanov, Editor.az