Azərbaycan Respublikası Milli Məclisinə keçiriləcək növbədənkənar seçkisinin təbliğat-təşviqat mərhələsi çərçivəsində 15 saylı Yasamal I seçki dairəsindən deputatlığa namizədliyini irəli sürmüş Ülvi Quliyev Yasamal rayonunda şəhid ailələri ilə görüş təşkil edib.

Editor.az xəbər verir ki, bu barədə Ülvi Quliyev rəsmi “Facebook” səhifəsində paylaşım edib.

Paylaşımda bildirilir:

“Şəhidlərimizin əziz valideynləri və ailə üzvləri ilə bugünkü görüş də qəlbimdə dərin izlər buraxdı. Şəhid ana və atalarının mərd duruşu, qürurlu baxışları unudulmazdır. Onların hər birinin qarşısında baş əyir, sidq ürəkdən gələn xeyir-dualarına görə bir daha təşəkkür edirəm. Uca Allahdan bütün şəhidlərimizə rəhmət, doğmalarına və xalqımıza səbir, qazilərimizə şəfa və uzun ömür diləyirəm”.