Erməni vəhşiliyini görməzdən gəlmək, işğalçı ilə işğala məruz qalan arasında fərq qoymamaq Qərbin əksər təşkilatlarına xas olan baslıca xüsusiyyətlərdən biridir. Bu təşkilatlar arasında adı ilə fəaliyyəti arasında təzad olan UNESCO-nu xüsusi qeyd etmək olar. Fəaliyyəti tarixi və mədəni abidələrin qorunması olsa da, əslində müəyyən lobbi və erməni maraqları üzərində köklənib.

44 günlük müharibədən sonra fəaliyyətini mədəni deyil, siyasi maraqlar üzərində quran təşkilat o vaxtdan bəri bir dəfə də olsun dağıdılan Azərbaycan abidələri barədə bir kəlmə danışmayıb. Vətən müharibəsindən sonra Azərbaycan ona vandalizm faktlarını öyrənmək üçün regiona missiya göndərməyi təklif etsə də, nəticəsiz qalıb. UNESCO bu faktların araşdırılmasında maraqlı görünməyib. Onlar başa düşürdülər ki, dağıdılmış, minalanmış Azərbaycan torpaqlarını görən istənilən mütəxəssis işğalçı rejimin cinayətlərinin tanınmasının lehinə çıxış edəcək. Erməni vəhşiliyinə görməzdən gələrək buna adekvat cavab vermədi. Bu da səbəbsiz deyil – təşkilatın baş ofisi azərbaycanafob, türkofob, islamafob Fransadadır. UNESCO-nun Parisdə yerləşməsi bu qurumun anti-Azərbaycan qüvvələrin təsiri altında olduğunu göstərir ki, nəticə etibarilə Azərbaycana qarşı münasibətdə riyakarlıq nümayiş etdirir.

UNESCO ilə bağlı sensasion və biabırçı faktlar üzə çıxır

Yeri gəlmişkən, təşkilatın fəaliyyəti ilə bağlı sensasion və biabırçı faktlar üzə çıxır. Artıq bu qurumun BMT kimi, korrupsiya və saxtakarlıq səbəbindən dağıldığı bardə xəbərlər nüfuzlu nəşrlərdə yer alır. 2017-ci ildən fransalı Odri Azulenin rəhbərlik etdiyi UNESCO-nun strukturundakı həyəcanlı vəziyyəti üzə çıxaran Inner City Press-in gəldiyi nəticə belədir.

Azoulay və komandası təşkilata şəxsi mağaza və ya ailə mülkü kimi yanaşdığı, eləcə də, üzv dövlətlər tərəfindən bu vəziyyəti düzəltmək üçün ciddi səylər göstərilmədiyi vurğulanır. Təxminən eyni mənzərə BMT-nin digər agentlikləri və bölmələri üçün də xarakterikdir. Buna baxmayaraq, təşkilat rəhbərinin işində protokolun kobud şəkildə pozulması bir sıra üzv dövlətlərin nümayəndələrinin rəsmi tənqidinə səbəb olub.

Aybet faktları ortaya qoyur

Türkiyənin UNESCO yanında daimi nümayəndəsi Gülnur Aybetin İcraiyyə Şurasının 215-ci sessiyasının açılışındakı çıxışının stenoqramından fraqmentlər şokdur. O, xüsusilə, Azuledən “baş direktor və daimi qurumlar arasında əlaqəni yaxşılaşdırmağı” tələb edib. Türkiyənin daimi nümayəndəsinin sözlərinə görə, “Birbaşa onunla görüş təyin etmək son dərəcə çətindir”.

Sessiyanın sonunda bir çox iştirakçılar UNESCO-nun İcraiyyə Şurasının sədri, serb Tamara Rastovats-Siamaşvilinin Odri Azulenin alçaldıcı alqışlarını kəsməyə çalışan qəribə davranışından çaşqınlıqlarını ifadə ediblər. Məlum olub ki, icra şurasının iclasına az qalmış Azule Siamaşvilini strateji vəzifəyə təyin edəcəyinə söz verib. Serb Uros Mijuskoviç YUNESKO-nun Apellyasiya Şurasının katibi kimi mühüm vəzifəyə malikdir.

Bir sözlə, bütün intriqa ondan qaynaqlanır ki, növbəti namizəd UNESCO-nun korrupsioner strukturunda qohumluq əlaqələri ilə yanaşı, karyera yüksəlişi prinsipi olan “sevgi” himayəsinə öz yolunu rahat yerə itələyir.

Nepotizm, korrupsiya, mənimsəmə

Bu xüsusda YUNESKO-nun baş direktorunun mədəniyyət məsələləri üzrə müavini, çilili Ernesto Ottone və onun ispan sevgilisi Sara Qarsia De Uqarteni, eləcə də UNESCO-nun baş direktoru ofisinin rəhbəri Nikolas Kassianides və onun rəsmisi xanım Lili Neyestani qeyd etmək yerinə düşərdi. UNESCO rəhbərliyində hökm sürən anarxiya və proteksionizmin İnsan Resurslarının İdarə Edilməsi Ofisinin təqdim etdiyi sübutlar arasında bu strukturun qeyri-ştat üzvünün YUNESKO-nun işə qəbul üzrə komissiyasına dəvət edilməsi faktı var. “Bu hərəkəti ilə Siamaşvili İcraiyyə Şurası sədrinin vəzifə və funksiyalarını təhlükə altına qoyur və nəticədə İcraiyyə Şurasının özünü aşağılayır”, – diplomatlardan biri bildirib.

Yuxarıda sadalanan faktlar Siamaşvilinin Audrey Azuleyə tamamilə kor-koranə itaət etməsini, eləcə də baş direktor administrasiyasının qərarlarına səssizcə dəstək verməsini izah etsə də, buna baxmayaraq, sirr üzə çıxıb və bununla bağlı bəzi üzv ölkələrin ciddi sualları ola bilər.

Beləliklə, bu gün UNESCO-nun dayandığı yer, korrupsiyanın, mənimsəmənin, səlahiyyətdən sui-istifadənin və qohumbazlığın çiçəklənməsinə münasib olan BMT agentliyidir. Bu, həm də Antonio Quterreşin hədsiz dərəcədə korrupsiyalaşmış BMT sisteminin nümunəsidir. Və bununla bağlı daha çox məlumatlar olacaq.

Baş katib Antonio Quterrişin tabeliyində olan bütün BMT sistemi kimi, UNESCO da korrupsiya və saxtakarlıq səbəbindən dağılır.

ABŞ-ın “Inner City Press” ictimai təşkilatı 2017-ci ildən fransalı Odri Azulenin rəhbərlik etdiyi UNESCO-da yaranmış həyəcanlı vəziyyətin üstünü açıb.

“UNESCO-nun Baş katibi və onun komandası mandatının əvvəlindən, tamamilə gözlənilməz seçkidən sonra təşkilata şəxsi mağazası və ya ailəsinin əmlakı kimi yanaşırdılar”, – “Inner City Press”in araşdırmasında qeyd olunub.

“Bu gün baş direktor Azulenin öz mandatını düzgün idarə etmədiyini proqnozlaşdırmaq asandır və bu, onun fəaliyyətinə mənfi təsir göstərir”, – məqalədə deyilib.

Həmçinin qeyd edilib ki, işçilərin həmkarlar ittifaqı və bəzi hörmətli üzv dövlətlərin vəziyyəti düzəltmək üçün qanuni tələbləri anlayışla qarşılanmayıb.

Bu, yekun nəticədə 5-19 oktyabr tarixlərində keçirilmiş İcraiyyə Şurasının sonuncu – 215-ci sessiyasında bir sıra üzv dövlətlər tərəfindən açıq və rəsmi tənqidlərin olması ilə nəticələndi.

Türkiyənin UNESCO-dakı səfiri Gülnur Aybet ötən ay keçirilən İcraiyyə Şurasının iclasının açılışında çıxış edərək baş direktorun ofisinin çox ləng işlədiyini qeyd edib və Odri Azuledən baş direktor və daimi nümayəndəliklər arasında əlaqəni yaxşılaşdırmağı xahiş edib, sürətin və vaxtında reaksiya verməyin vacibliyini vurğulayıb.

“Bu cür hallar o qədər tez-tez baş verir ki, onlar normaya çevrilir və səfirlər baş direktorla birbaşa görüş təyin etməyin çox çətin olduğunu düşünürlər”, – o əlavə edib.

Milli.az