Rusiyanın PMC “Vagner”in 1000-ə yaxın muzdlu əsgərin yerləşdirilməsi üçün Belarusda daha bir çadır şəhərciyinin tikintisinə başlanılıb.

Editor.az bildirir ki, bu barədə avqustun 8-də Ukrayna Silahlı Qüvvələrinin Xüsusi Əməliyyat Qüvvələrinin yaratdığı Milli Müqavimət Mərkəzi məlumat yayıb.

“Belarus Respublikasının Zyabrovka kəndində -Ukrayna ilə sərhəddə “Vaqner PMC” muzdluları üçün yeni düşərgə tikilir.

Gələcəkdə onlardan Çerniqov vilayəti ilə sərhəddə təxribat fəaliyyətinin stimulyasiyası üçün istifadə edilməsi planlaşdırılır”, – məlumatda deyilir. CNS-in məlumatına görə, eyni zamanda, Avropa ölkələrinə təzyiq göstərmək üçün Rusiya Federasiyası və Belarus Respublikasının informasiya əməliyyatını dəstəkləyən fəaliyyətlərin stimulyasiyası üçün “Vaqner” PMC-dən istifadə ehtimalı hələ də yüksəkdir.

“Belə bir kampaniyanın məqsədi Avropa ölkələrini Ukraynaya dəstəyi azaltmağa məcbur etməkdir – Milli Müqavimət Mərkəzi izah edib.

Xatırladaq ki, iyunun 26-da “Nestka” nəşri Osipoviç şəhəri yaxınlığında 8000 nəfərlik “Vagner” muzdluları üçün düşərgənin aılacağını bildirmişdi. Düşərgənin sahəsi 24 min m² olacaq. KİV-in məlumatına görə, gələcəkdə bir neçə belə düşərgə yaradılacaq.

//Samir Qurbanov, Editor.az