Vahid Əhmədovun prokuror oğlu atasına görə işdən çıxarılıb? – AÇIQLAMAbackend

Vahid Əhmədovun prokuror oğlu atasına görə işdən çıxarılıb? – AÇIQLAMA

  • whatsapp
  • messenger
  • telegram
  • vkontakte
  • odnoklassniki

Xəbər verdiyimiz kimi, Milli Məclisin deputatı Vahid Əhmədovun Qaradağ rayon prokuroru vəzifəsində çalışan oğlu Zəfər Əhmədov vəzifəsindən azad edilib.

Bununla bağlı Baş prokuror Kamran Əliyev əmr imzalayıb. Deputatın oğlunun postundan uzaqlaşdırılması ilə bağlı xəbər müzakirəsiz ötüşməyib. Sosial şəbəkələrdə bu qərarın onun atası ilə bağlı olduğuna dair məlumatlar yayılıb. İddia olunub ki, Vahid Əhmədov növbəti dəfə deputatlığa namizəd olmaq fikrinə düşdüyü üçün hakimiyyətdəki bəzi dairələr onu cəzalandırmağa qərar verib.

“Yeni Sabah” məsələnin təfərrüatını öyrənə bilib. Məlum olub ki, Zəfər Əhmədovun vəzifəsindən azad edilməsinin onun atası ilə heç bir əlaqəsi yoxdur: “Zəfər Əhmədov sabiq baş prokuror Zakir Qaralovun əmri ilə 3 iyul 2019-cu ildə Qaradağ rayon prokuroru vəzifəsinə təyin olunmuşdu. O, bu vəzifədə sələfi Natiq Abdullayevi əvəzləmişdi. Bu il iyulun 3-də 5 illik müddət başa çatdığı üçün Əhmədov tutduğu vəzifədən uzaqlaşdırıldı. Sosial şəbəkələrdə iddia edildiyinin əksinə olaraq, o, prokurorluq orqanlarından xaric edilməyib, sadəcə, sərəncama götürülüb”.

Mənbə deyib ki, sərəncama götürülən şəxslərə sonradan etimad göstərilməsi hallarına hüquq-mühafizə orqanlarının təcrübəsində tez-tez rast gəlinir.