ABŞ-ın vitse-prezidenti J.D. Vance bildirib ki, nə onun, nə də dövlət katibi Marco Rubionun hazırda ABŞ prezidenti vəzifəsini icra etmək səlahiyyəti yoxdur. Editor.az xəbər verir ki, bu açıqlama Vance-in Fox News-a verdiyi müsahibə zamanı səslənib.

Xatırladaq ki, “Politico” nəşri noyabrın əvvəlində yazmışdı ki, Rubio özəl olaraq Vansın 2028-ci il seçkilərində ABŞ prezidentliyinə namizəd olacağını bildirib. Məlumata görə, Vance isə Rubioya rəqib kimi baxmağın absurd olduğunu söyləyib və onu həmkarı adlandırıb.

Vitse-prezident vurğulayıb ki, hazırda onun əsas diqqəti indiki vəzifəsinin icrasına yönəlib və administrasiyanın, həmçinin Vaşinqtondakı respublikaçı çoxluğun 2026-cı il aralıq seçkilərinə qədər öz proqramlarını həyata keçirməsi üçün bir ildən çox vaxt olduğunu qeyd edib. O, respublikaçıların aralıq seçkilərdə qalib gəlmək üçün maksimum səylə çalışacaqlarını da bildirib.

Vance əlavə edib ki, ABŞ-ın prezidentliyinə namizəd məsələsi hazırkı prezident olan Donald Trumpla müzakirə olunacaq.

//Gülnarə Abasova, Editor.az