Rusiya, ABŞ və Ukrayna prezidentləri Vladimir Putin, Donald Tramp və Vladimir Zelenskinin görüşü uzunmüddətli işin və “artıq hazırlanmış məqamların” nəticəsi olmalıdır”.

Editor.az bildirir ki, bunu Rusiya prezidentinin mətbuat katibi Dmitri Peskov deyib. O, Vladimir Putinin bu münaqişənin həllinin çox vaxt aparacağı barədə sözlərini xatırladıb: “Və o, Minskdə danışıqların 17 saat dayanmadan necə davam etdiyini xatırladıb. Mən o vaxt bu danışıqların şahidi olmuşam. Bu, həqiqətən də marafon idi, yaxşı bir marafon idi, təsəvvür etmək çətindir.

Prezident dedi: bizdən nə istəyirsiniz, indi prezident Tramp və Zelenski ilə görüşək və hər bir nüansın həllini əvvəldən tapmağa çalışaq. Niyə?”. Kreml nümayəndəsi qeyd edib.
Xatırladaq ki, mayın 28-də Vladimir Zelenski Ukraynanın Vladimir Putin və Donald Trampla üçtərəfli görüş keçirməyə hazır olduğunu bildirib. Amerika prezidenti də belə bir ehtimala icazə verib. Türkiyə öz platformasında belə bir görüşü keçirməyə hazır olduğunu bəyan edib. Vladimir Zelenski bildirib ki, Ukraynanın suverenliyi və ərazi bütövlüyünü yalnız o müzakirə edə bilər.

//Samir Qurbanov, Editor.az