Rusiya prezidenti Vladimir Putin yeni seçilmiş prezident Donald Trampa qarşı “qeyri-sivil mübarizə üsullarından” qəzəbləndiyini bildirib.

Dövlət başçısı bildirib ki, respublikaçı hələ də “təhlükəsiz” deyil. O, amerikalı siyasətçiyə qarşı məhkəmə prosesini alçaldıcı və əsassız adlandırıb. O, həmçinin qeyd edib ki, təkcə Tramp deyil, onun ailə üzvləri də hücuma məruz qalıb. Rusiya lideri hesab edib ki, bu, “bugünkü Amerika siyasi sisteminin bütün tənəzzülündən” xəbər verir və bu cür mübarizə üsullarını iyrənc adlandırıb. “Bizim quldurlarımız bunu etmir. Cinayətkar qruplar öz aralarında vuruşanda qadınlara, uşaqlara toxunulmur”, – deyə prezident vurğulayıb.

Qeyd edək ki, Donald Trampa sui-qəsd iyulun 14-də baş verib. Tomas Metyu Kruks Trampın çıxış etdiyi tribunadan 120 metr aralıda yerləşən binanın damından Respublikaçıya AR-15 tüfəngindən atəş açıb. Nəticədə seçilmiş prezident sağ qulağından yaralanıb. Noyabrda ABŞ Ədliyyə Nazirliyi də İran vətəndaşını seçki ərəfəsində Donald Trampa sui-qəsd hazırlamaqda ittiham edib.

//Samir Qurbanov, Editor.az