Prezident Aparatı rəhbərinin müşaviri Mixailo Podolyak “The Breakfast Show”a müsahibəsində deyib ki, Putin ora getməsə, Zelenskinin mayın 15-də İstanbulda Rusiya Federasiyasının digər nümayəndələri ilə görüşməyəcəyini deyib.

“Xeyr, əlbəttə ki, belə deyil. Bu format deyil. Prezident görüşə bilməz… Biz Rusiyada hakimiyyətin strukturunu başa düşürük. Və aydındır ki, hətta formal nazir statusuna malik olan adamlar da müəyyən qərarlar vermək səlahiyyətinə malik deyillər. Müharibənin davam etdirilməsi və ya dayandırılması ilə bağlı qərarları yalnız Putin verə bilər”, – Podolyak deyib.

O, birbaşa danışıqlara qadağa qoyulmasını nəzərə alaraq, Zelenskinin Putinlə necə birbaşa görüş keçirə biləcəyini də izah edib. “Düşünürəm ki, Milli Təhlükəsizlik və Müdafiə Şurasının bu qərarına dəyişikliklər ediləcək. Və əgər biz hüquqi cəhətdən təsdiqlənmiş hansısa sənədi imzalamaq niyyətindəyiksə, hesab edirəm ki, hüquqi düzəlişlər ediləcək… Burada Milli Təhlükəsizlik və Müdafiə Şurasının qərarını təqdim etmək hüquqi baxımdan sadə olacaq, lazımi hüquqi tənzimləmələr qəbul ediləcək”, – Podolyak izah edib.

//Samir Qurbanov, Editor.az