Vladimir Putin ordusuna mart ayına qədər Luqansk və Donetsk vilayətlərinin inzibati sərhədlərinə çatmağı əmr edib. Editor.az bildirir ki, bu barədə Luqansk VHA-nın rəhbəri Sergey Qayday deyib.
Onun sözlərinə görə, işğalçılar şərq cəbhəsində yenidən fəallaşıblar. Xüsusən də Luqansk vilayətində hücumlar intensivləşib. İşğalçılar bura daha çox ehtiyat qüvvələr cəmləşdirirlər. Lakin daimi “bavovna”ya görə öz texnikalarını gizlədirlər: “İşğalçılar uğur əldə edə biləcəkləri bəzi boşluqlar tapmağa çalışırlar.
Lakin Müdafiə Qüvvələrimiz öz mövqelərini saxlayır və hər yerdə döyüşürlər”, – Qayday bildirib. Bu arada ruslar bəzi yaşayış məntəqələrini ələ keçirdikləri barədə məlumatlar yayırlar. Lakin Qayda bu məlumatın həqiqətə uyğun olmadığını iddia edib. Onun sözlərinə görə, fevralın 11-dən etibarən bölgənin işğal olunmuş ərazilərində ruslar mobil interneti bloklayırlar ki, insanlar onlar haqqında məlumatları Ukrayna əsgərlərinə ötürə bilməsinlər.
//Samir Qurbaov, Editor.az