Rusiya prezidenti Vladimir Putin Qara dəniz donanmasının “batmasından” inciyib və “taxıl müqaviləsi”ndən çıxmaq qərarına gəlib.

Editor.az bildirir ki, bu barədə rusiyalı müxalifət lideri Gennadi Qudkov “Arqument” proqramının yeni buraxılışında danışıb. O hesab edir ki, indi Türkiyə və Böyük Britaniya müqavilənin fəal iştirakçılarına çevrilməli və onların esmineslərinin və freqatlarının müşaiyyəti altında Ukrayna məhsullarını daşınması heç bir xərc tələb etmir.

“Biz Putindən bədxahlıqdan və alçaqlıqdan başqa heç nə gözləyə bilmərik. Razılaşma isə sadəcə olaraq Qara dəniz donanmasının vurulmasına və heç kimin bundan qorxmamasına görə acı bir narazılıqdan irəli gəlir. Məncə, bu, tamamilə emosional moronik reaksiyadır. Çünki alternativ olaraq Türkiyə hərbi gəmilərinin müşayiəti altında, böyük ehtimalla Böyük Britaniyanın köməyi ilə taxıl ixrac olunacaq. Məncə, Putinlə yalnız güc dilində danışmaq lazımdır. Deyəsən o, başqa cür heç nə başa düşmür, heç bir dil bilmir.

Onun nəzərində Ukrayna raketlərinin Rusiya hərbi infrastrukturu vurması terror aktı, onun raketlərinin hər gün dinc sakinləri öldürməsi isə, belə demək mümkünsə, normaldır”, – Qudkov bildirib. O, həmçinin NATO ölkələrini hərbi konvoyların təşkilini təmin etməyə çağırıb. “Qoy burnunu soxmağa çalışsın, başqa variant yoxdur. Türkiyənin 10 qat daha güclü və daha böyük donanması var. Kömək etmək üçün daha bir neçə Britaniya esminesi və freqatları əlavə edilsə, heç kim heç nə deyə bilməz”, – ekspert əlavə edib.

//Samir Qurbanov,Editor.az