ABŞ prezidentinin müşaviri Mayk Vals Ukrayna prezidenti Vladimir Zelenskini son açıqlamalarının Donald Trampı məyus etdiyini bildirib.

O, Zelenskini ABŞ-ın təklif etdiyi təbii ehtiyatlar sazişinə qayıtmağa çağırıb. “Onun prezident Zelenski ilə bağlı eşitdiyiniz məyusluğu getdikcə artır. Biz Amerika xalqının və Amerika vergi ödəyicilərinin etdiklərini, Prezident Trampın ilk prezidentlik dövründə etdiklərini və o vaxtdan bəri nə etdiyimizi dərindən qiymətləndirməliyik.

“Kiyevdən prezident Trampa qarşı qəbuledilməz bəyanatlar və təhqirlər gəlir” – Vals deyib. Onun sözlərinə görə, Donald Tramp həm də Ukrayna prezidentinin ABŞ-ın Ukraynanın nadir torpaq metallarına hərbi yardıma görə kompensasiya kimi çıxış təklifini rədd etməsindən məyusdur. “Bu sövdələşməni necə irəlilətmək barədə konstruktiv danışıqlar aparmaq əvəzinə, biz mediada çox təəssüf doğuran ritorikaya rast gəlirik” – o bildirib.

Xatırladaq ki, keçən həftə Vladimir Zelenski Vaşinqtona Kiyevin torpaq ehtiyatlarının işlənməsindən əldə etdiyi bütün gəlirlərin 50%-ni, eləcə də belə inkişaf üçün üçüncü tərəflərə verilmiş bütün lisenziyaların 50%-ni verəcək ABŞ-ın təklifini rədd edib. “Reuters” xəbər verir ki, ABŞ Ukrayna hakimiyyətinə sadələşdirilmiş sövdələşmə təklif edə bilər.

//Samir Qurbanov, Editor.az