“Qərb Rusiya ilə birbaşa müharibəyə hazırlaşır”.

Editor.az xəbər verir ki, Serbiya lideri Aleksandar Vucic yerli mətbuata açıqlamasında belə deyib.

“Bəzilərinin təsəvvür etdiyi kimi, onların Rusiyanı məğlub edəcəklərini gözləmək mümkün deyil. Bu, ancaq Rusiya prezidenti Vladimir başına bir şey gəlsə, mümkün ola bilər… Putin geridə qoyacağı siyasi irsin İvan, Böyük Pyotr və Böyük Yekaterinanın əldə etdiyi nəticələrin olmasını istəyir. O, geosiyasi baxımdan düşünür. O, özünü bütün bu insanları öz daxilində birləşdirməyi bacaran və birləşdirici amil olan bir şəxs hesab edir. Əgər uduzsa, bu mirasdan heç nə qalmayacaq”, – deyə o şərh edib.

Bəzi Skandinaviya və digər Qərb ölkələrinin daha əvvəl Rusiyanın torpaqlarını və sərvətlərini bölməyi təklif etdiyini xatırladan Vuçiç sözlərini belə davam etdirdi: “Bunu əldə etmək üçün onları yemək lazımdır. Bununla belə, onlar Rusiyanı müdafiə etməyə hazırdırlar. Sualım budur ki, Qərbdə kimsə bunu etməyə hazırdırmı? Dərhal cavab verim, heç kim. Uzaqdan başqasının vasitəsilə döyüşmək, pul yatırmaq və s. Amma onlar hazırda hazır deyillər. Onlar hazır olacaqmı? Düşünürəm ki, Şərqdə, Rusiyada və Serbiyada insanlar hazır olmayacaqlarını düşünərək aldanıblar. Onlar indi hazır olmaya bilər, amma məncə, Rusiya ilə münaqişəyə hazır olacaqlar və bir çoxlarının görmək istədiyindən qat-qat tez hazırlaşırlar. Onlar müharibəyə hazırlaşırlar”, – Vuçiç əlavə edib.

Rusiya dəfələrlə bəyan edib ki, bərabər hüquqlar əsasında dialoqa açıqdır və Qərb Avropanın hərbiləşdirilməsi prosesindən əl çəkməlidir.

//Gülnarə Abasova, Editor.az