WP: Sərvət bərabərsizliyi artır, yoxsul cəmiyyətlərin ömrü azalırbackend

WP: Sərvət bərabərsizliyi artır, yoxsul cəmiyyətlərin ömrü azalır

  • whatsapp
  • messenger
  • telegram
  • vkontakte
  • odnoklassniki

ABŞ-da aparılan araşdırmalar göstərib ki, ürək xəstəliyi və xərçəng kimi xroniki xəstəliklər ölkədə 35-64 yaş qrupunda ölümlərin bir nömrəli səbəbidir.

Editor.az xarici mediaya istinadla xəbər verir ki, ABŞ Xəstəliklərə Nəzarət və Qarşısının Alınması Mərkəzləri (CDC) də daxil olmaqla yerli hökumətlərin ölüm məlumatlarına əsaslanaraq Washington Post (WP) tərəfindən hazırlanan təhlil yazısında ölkənin sağlamlıq hesabatı açıqlanıb.

Təhlildə qeyd olunub ki, ölkədə silahlı zorakılıq və narkotiklə bağlı ölüm halları ictimaiyyət üçün daha aydın görünsə də, ürək xəstəlikləri və xərçəng kimi xroniki xəstəliklər 35-64 yaş arası insanlar arasında bir nömrəli ölüm səbəbidir. Təhlildə xüsusilə ölkənin cənub və mərkəzi bölgələrində orta yaşlı insanların ölüm hallarının 40 il əvvəllə müqayisədə xroniki xəstəliklər səbəbindən artmağa başladığı bildirilib. ABŞ-ın digər inkişaf etmiş ölkələrlə müqayisədə profilaktik tibb və səhiyyə sisteminə daha az sərmayə qoyduğu, yoxsulluq, irqçilik, yüksək işlənmiş qidalardan ibarət qeyri-sağlam qidalanma vərdişləri və inamsızlıq kimi səbəblərdən gözlənilən ömür uzunluğunun azaldığı diqqətə çatdırılıb.

Təhlildə 1980-ci illərin əvvəllərində ən yoxsul icmalarda insanların ölüm ehtimalının hər il 9 faiz olduğu halda, son on ildə bu rəqəmin 49 faizə yüksəldiyi vurğulanıb, eyni zamanda xroniki xəstəliklərdə rast gəlinən piylənməyə də diqqət çəkilib.

Qeyd olunub ki, 1990-cı illərdə ölkədə böyüklərin cəmi 11,6 faizi artıq çəki ilə mübarizə aparırdısa, hazırda bu nisbət 41,9 faizə yüksəlib. 35-64 yaş qrupunda piylənmə ilə bağlı ölümlərin 1979-2000-ci illər arasında iki dəfə, son ölüm nisbətlərinin isə 2000-2019-cu illər arasında yenidən iki dəfə artdığı qeyd edilib.

//Gülnarə Abasova, Editor.az

Facebook Notice for EU! You need to login to view and post FB Comments!