Qəza ovçuları İspaniya və Mərakeş arasında dənizin dərinliklərində 17-ci əsrə aid “Barbar korsarı” kimi tanınan kiçik pirat gəminin qalıqlarını aşkar ediblər.

“Wreckwatch” jurnalının baş redaktoru və tapıntının müstəntiqi, dəniz arxeoloqu Sean Kingsley “Live Science”a bildirib ki, qalıq “Bərbarinin qəlbində tapılan ilk Əlcəzair korsarıdır”. Tədqiqatçıların dediyinə görə, gəmi ağır silahlı olub və batdığı zaman insanları tutmaq və əsarət altına almaq üçün İspaniya sahillərinə doğru irəliləyib.

Lakin o, Şimali Afrikanın Əlcəzair şəhərində hazırlanmış və çox güman ki, özünü ticarət gəmisi kimi gizlədə bilən qazan və tava yükünü daşıyıb. Floridada yerləşən “Odyssey Marine Exploration” (OME) gəmini 2005-ci ildə 1694-cü ildə ərazidə batmış 80 silahlı ingilis hərbi gəmisi “HMS Sussex”inn qalıqlarını axtararkən aşkar etmişdi.

OME-nin qurucusu və ekspedisiya rəhbəri Qreq Stemm deyib: “Müəyyən bir dağıntı üçün axtarış zamanı tez-tez olduğu kimi, biz əvvəllər heç görmədiyimiz bir çox yerlər tapdıq”. Stemm bildirib ki, 2005-ci ildəki ekspedisiya bu ərazidə qədim Roma və Finikiya gəmilərini də aşkar edib. Batmış korsan haqqında xəbərlər yalnız indi geniş tarixi araşdırmalardan sonra Stemm tərəfindən “Wreckwatch”da yeni məqalədə dərc olunub.

//Samir Qurbanov, Editor.az