Noyabrda Yaponiyadan Rusiyaya ixrac ötən ilin eyni dövrü ilə müqayisədə 60,9% azalıb.

Editor.az xəbər verir ki, bu barədə Yaponiya Maliyyə Nazirliyi məlumat yayıb. Nazirliyin məlumatına görə, Rusiyadan Yaponiyaya idxal 26,7% azalıb, ticarət dövriyyəsi isə 119,105 milyard yen (821,42 milyon dollar) təşkil edib. Qeyd olunub ki, bu dövrdə Yaponiyadan Rusiya Federasiyasına avtomobil idxalı 44,9 faiz, Yaponiya ehtiyat hissələri və hissələrinin idxalı isə 32,5 faiz azalıb. Tokionun Rusiyaya avtomobil tədarükünü qismən qadağan etməsindən sonra idxal həcmlərində azalma bir neçə aydır müşahidə olunur. Qadağa mühərrikinin həcmi 1,9 litrdən çox olan avtomobillərə, eləcə də hibrid avtomobillərə şamil edilir.

Bundan əvvəl Yaponiya Maliyyə Nazirliyi ölkəsinin Rusiyadan LNG idxalını 46,9% artırdığını açıqlamışdı.

//Gülnarə Abasova, Editor.az