Yaponiyada bir prefektura 65 yaşdan yuxarı insanlara telefonla danışarkən bankomatlardan istifadə etməyi qadağan edən hökumət səviyyəsində qərar qəbul edib.

Editor.az bu barədə “Japan Times” a istinadla yazır.

Osaka hakimiyyətinin elan etdiyi yeni tədbirlər qurbanları əsasən təqaüdçülər olan fırıldaqçılarla mübarizəyə yönəlib.

Osaka qubernatoru Hirofumi Yoşimura qanunun 2025-ci ilin martında səlahiyyətlilər tərəfindən qəbul edilməsindən sonra deyib: “Yaşlılar təkcə pul itirmir, həm də stress keçirirlər. Biz bu qanunu cinayətin qarşısını almaq ümidi ilə qəbul etdik”.

Qurum rəsmisi izah edib ki, sənədə əsasən, maliyyə qurumları və digər təşkilatlar müştərilərini hazırkı qadağa ilə bağlı xəbərdar etməli olacaqlar. O qeyd edib ki, qayda pozuntusuna görə heç bir sanksiya tətbiq edilməyib. Lakin Yoshimura ümid edir ki, qadağa yaşlıların fırıldaqçılığı hallarının qarşısını almağa kömək edəcək.

Mediada yayılan məlumatlara görə, telefon dələduzluğu halları 2021-ci ildən artmaqdadır. Belə ki, 2024-cü ildə hüquq-mühafizə orqanları əyalətdə 2658 fakt qeydə alıb. Fırıldaqçıların əməlləri nəticəsində pensiyaçılara dəymiş ziyan 6,4 milyon yen (3,7 milyard rubldan çox) həcmində qiymətləndirilir. Fırıldaqçıların qurbanı olanlar arasında yaşı 65-dən yuxarı olanların nisbəti 70 faizdən çoxdur.

//Gülnarə Abasova, Editor.az