Böyük Britaniyanın baş naziri Keir Starmer Avropa İttifaqı (Aİ) ilə böyük ticarət sazişi imzalamağa yaxındır.

Editor.az bu barədə “The Times”a istinadla yazır.

Məqalədə deyilir: “Starmer Aİ ilə Böyük Britaniyanın silah şirkətlərinə milyardlarla funt-sterlinq dəyərində silah satmağa imkan verəcək böyük ticarət sazişi bağlamağa yaxındır”.

Teleqraf qəzeti daha əvvəl Londonun Ukraynaya 5 il müddətinə qoşun yeritmək variantını nəzərdən keçirdiyini yazmışdı. Plana görə, Rusiyanın hər hansı razılaşmaları pozmasının qarşısını almaq üçün ölkəyə çəkindirici qüvvələr göndəriləcəkdi.

Avropa Komissiyasının (AK) sədri Ursula fon der Leyen mart ayında Avropa İttifaqının yenidən silahlandırılmasını 800 milyard avro dəyərində nəzərdə tutan plan təklif etmişdi. Aİ həmçinin Ukraynaya hava hücumundan müdafiə sistemləri və silah istehsalı üçün Aİ ölkələrinə 150 ​​milyard avro kredit ayırmağı planlaşdırır.

//Gülnarə Abasova, Editor.az